വടക്കേക്കര ഗ്രാമ പഞ്ചായത്ത് സാമൂഹിക സാമ്പത്തിക ജാതി സെന്‍സസ് 2011 കരട് ലിസ്റ്റ് പഞ്ചായത്ത് ഓഫീസില്‍ പ്രസിദ്ധീകരിച്ചു. ആക്ഷേപങ്ങള്‍/പരാതികള്‍ ഉള്ളവര്‍ 14.02.2014 തീയതിക്കകം വില്ലേജ് എക്സ്റ്റെന്‍ഷന്‍ ഓഫീസറുമായി ബന്ധപ്പെടേണ്ടതാണെന്ന് അറിയിക്കുന്നു.
വടക്കേക്കര ഗ്രാമപഞ്ചായത്തിലെ 2014-15 വാര്‍ഷിക പദ്ധതി രൂപികരണത്തിന്‍റെ ഭാഗമായി 18.01.2014 ല്‍ ശാരിരികവും മാനസികവുമായി ബുദ്ധിമുട്ടുള്ളവരുടെ പ്രത്യേക ഗ്രാമസഭ ചേര്‍ന്നു. ചടങ്ങില്‍ വടക്കേക്കര ഗ്രാമപഞ്ചായത്ത് പ്രസിഡന്‍റ് ശ്രീമതി. കാര്‍ത്ത്യായനി സര്‍വ്വന്‍, വൈസ് പ്രസിഡന്‍റ് ശ്രീ. കെ ആര്‍ മോഹനന്‍, വികസനകാര്യ സ്റ്റാന്‍റിംഗ് കമ്മിറ്റി ചെയര്‍ പേഴ്സണ്‍ ശ്രീമതി.സുലോചന, സെക്രട്ടറി സഞ്ചയ് പ്രഭു, ഐ സി ഡി എസ് സൂപ്പര്‍വൈസര്‍ ശ്രീമതി ജാന്‍സി എന്നിവര്‍ സംസാരിച്ചു.
മാന്യരെ,
ഗ്രാമപഞ്ചായത്ത് വക ദിനരാജ് മെമ്മോറിയല്‍ ലൈബ്രറിയില്‍ സൂക്ഷിച്ചിരിക്കുന്ന കഴിഞ്ഞ ഒരു വര്‍ഷത്തെ കാലയളവിലെ പഴയ ദിന പത്രങ്ങളും വാരികകളും മറ്റും ലേലം ചെയ്ത് വില്‍ക്കുന്നതിലേക്ക് ക്വട്ടേഷനുകള്‍ ക്ഷണിച്ചു കൊള്ളുന്നു.ക്വട്ടേഷന്‍ സമര്‍പ്പിക്കുന്നയാളുടെ പേരും വിലാസവും, ദിന പത്രങ്ങള്‍ക്കും വാരികകള്‍ക്കും നല്‍കാനുദ്ദേശിക്കുന്ന വില മുതലായവ രേഖപ്പെടുത്തിയ സീല്‍ ചെയ്ത ക്വട്ടേഷനുകള്‍ 10.01.2014 നകം ഗ്രാമപഞ്ചായത്ത് ഓഫീസില്‍ സമര്‍പ്പിക്കേണ്ടതാണ്.
ക്വട്ടേഷന്‍ ഉറപ്പിച്ചു കഴിഞ്ഞാലുടന്‍ ബന്ധപ്പെട്ടവര്‍ പത്രപ്രസിദ്ധീകരണങ്ങളും മറ്റും പഞ്ചായത്ത് ലൈബ്രെറിയില്‍ നിന്നും നീക്കം ചെയ്ത് ഒഴിവാക്കേണ്ടതാണ്. കൂടുതല്‍ വിവരങ്ങള്‍ പ്രവൃത്തി സമയങ്ങളില്‍ പഞ്ചായത്ത് ഓഫീസില്‍ നിന്നും അറിയാവുന്നതാണ്.
തീരപ്രദേശത്ത് താമസിക്കുന്ന പാവപ്പെട്ട കുടുംബങ്ങള്‍ക്ക് ഭവന നിര്‍മ്മാണത്തിന് ബുദ്ധിമുട്ട് സൃഷ്ടിക്കുന്ന സര്‍ക്കാര്‍ നിര്‍ദ്ദേശം പുന: പരിശോധിക്കണമെന്ന് വടക്കേക്കര ഗ്രാമപഞ്ചായത്ത് കമ്മിറ്റി പ്രമേയത്തിലൂടെ ആവശ്യപ്പെട്ടു. തീരദ്ദേശ നിയന്ത്രണ മേഖലയില്‍ ഭവന നിര്‍മ്മാണത്തിനും നിലവിലുള്ളവയുടെ പുനര്‍നിര്‍മ്മാണത്തിനും കോസ്റ്റല്‍ സോണ്‍ മാനേജ്മെന്‍റ് അതോറിറ്റിയുടെ മുന്‍കൂര്‍ അനുമതി വാങ്ങണമെന്നും അല്ലാതെ നിര്‍മ്മിച്ചിട്ടുള്ള എല്ലാ അനധികൃത നിര്‍മ്മാണങ്ങള്‍ക്കെതിരെയും അടിയന്തിരമായി നടപടി സ്വീകരിക്കണമെന്നുമാണ് ശാസ്ത്ര സാങ്കേതിക വകുപ്പിന്‍റെയും തദ്ദേശ സ്വയംഭരണ വകുപ്പിന്‍റെയും സര്‍ക്കുലറുകളില്‍ വ്യക്തമാക്കിയിരിക്കുന്നത്.പ്രസ്തുത നിര്‍ദ്ദേശങ്ങള്‍ ജനങ്ങള്‍ തിങ്ങി പാര്‍ക്കുന്ന വടക്കേക്കര ഗ്രാമ പഞ്ചായത്തിലെ തീര പ്രദേശത്ത് താമസിക്കുന്നവര്‍ക്ക് ഭവന നിര്‍മ്മാണത്തിന് ബുദ്ധിമുട്ട് സൃഷ്ടിക്കുമെന്നതിനാല്‍ അടിയന്തിരമായി കേന്ദ്ര-സംസ്ഥാന സര്‍ക്കാരുകള്‍ ഈ നിര്‍ദ്ദേശം പുന:പരിശോധിച്ച് താമസംവിന വേണ്ട നടപടി സ്വീകരിക്കണമെന്ന് വടക്കേക്കര ഗ്രാമ പഞ്ചായത്ത് പ്രസിഡന്‍റ് ശ്രീമതി കാര്‍ത്ത്യായനി സര്‍വ്വന്‍ അഭ്യര്‍ത്ഥിച്ചു.
