കല്ല്യാശ്ശേരി ഗ്രാമപഞ്ചായത്ത്, ജില്ലാ പഞ്ചായത്ത്, ജില്ലാ പോലീസ് എന്നിവര്‍ നടത്തുന്ന ജന്‍റില്‍ വുമണ്‍ സ്വയം പ്രതിരോധ പരിശീലനത്തിന്‍റെ ഉദ്ഘാടനം കല്ല്യാശ്ശേരിയില്‍ ബഹുമാനപ്പെട്ട ജില്ലാ പോലീസ് മേധാവി ശ്രീ. യതീഷ് ചന്ദ്ര ,ഐ.പി.എസ് നിര്‍വ്വഹിക്കുന്നു.
തദ്ദേശസ്വയംഭരണ സ്ഥാപനങ്ങളിലേക്കുള്ള 2020 ലെ പൊതു തെരഞ്ഞെടുപ്പിനുള്ള വോട്ടര്‍ പട്ടിക പുതുക്കുന്നതുമായി ബന്ധപ്പെട്ട് G 13007 കല്ല്യാശ്ശേരി ഗ്രാമപഞ്ചായത്തിലെ 1 മുതല്‍ 18 വരെയുളള നിയോജക മണ്ഡലങ്ങളുടെ കരട് വോട്ടര്‍ പട്ടിക 20/1/2020 തീയ്യതി കല്ല്യാശ്ശേരി ഗ്രാമ പഞ്ചായത്ത് ഓഫീസ്,കല്ല്യാശ്ശേരി വില്ലേജ് ഓഫീസ്,കണ്ണൂര്‍ താലൂക്ക് ഓഫീസ്, കല്ല്യാശ്ശേരി ബ്ളോക്ക് പഞ്ചായത്ത് ഓഫീസ്,കണ്ണൂര്‍ ജില്ലാ പഞ്ചായത്ത് ഓഫീസ് എന്നിവിടങ്ങളില്‍ പ്രസിദ്ധപ്പെടുത്തിയിട്ടുണ്ടെന്ന വിവരം അറിയിക്കുന്നു.
കല്ല്യാശ്ശേരി ഗ്രാമപഞ്ചായത്താഫീസില്‍ നിന്നും ഇന്ദിരാഗാന്ധി ദേശീയ വിധവപെന്‍ഷന്‍/ 50 വയസ്സ് കഴിഞ്ഞ അവിവാഹിതരായ വനിതകള്‍ക്കുള്ള പെന്‍ഷന്‍ കൈപ്പറ്റുന്ന 60 വയസ്സില്‍ താഴെയുള്ള ഗുണഭോക്താക്കള്‍ പുനര്‍വിവാഹം /വിവാഹം കഴിച്ചിട്ടില്ല എന്നുള്ള സാക്ഷ്യപത്രം 2019 ഡിസംബര്‍ 31 നുമുമ്പായി പഞ്ചായത്താഫീസില്‍ ഹാജരാക്കേണ്ടതാണ് എന്ന് അറിയിക്കുന്നു.
കല്ല്യാശ്ശേരി ഗ്രാമപഞ്ചായത്തില്‍ നിന്നും സാമൂഹ്യ സുരക്ഷ പെന്‍ഷന്‍ കൈപ്പറ്റുന്ന ഗുണഭോക്താക്കള്‍ക്കായി താഴെ പറയുന്ന സ്ഥലങ്ങളില്‍ വച്ച് രാവിലെ 10 മണി മുതല്‍ ക്യാമ്പ് സംഘടിപ്പിക്കുന്നു. ഗുണഭോക്താക്കള്‍ ആധാര്‍ കാര്‍ഡുമായി നേരിട്ട് ക്യാമ്പില്‍ പങ്കെടുത്ത് മസ്റ്ററിംഗ് പൂര്‍ത്തിയാക്കേണ്ടതാണ്.
<< ക്യാമ്പ് നടക്കുന്ന സ്ഥലവും സയമത്തിനുമായി ഇവിടെ ക്ലിക്ക് ചെയ്യുക.
പഞ്ചായത്തില്‍ നിന്നും സാമൂഹ്യ സുരക്ഷാ പെന്‍ഷന്‍ വാങഅങുന്നവര്‍ നവംബര്‍ 18 ന് ശേഷം ഏതെങ്കിലും അക്ഷയ കേന്ദ്രത്തില്‍ നേരിട്ട് പോയി മസ്റ്ററിംബ് നടത്തേണ്ടതാണ്. ഇങ്ങനെ ചെയ്യാത്തവര്‍ക്ക് അടുത്ത ഗഡു മുതല്‍ പെന്‍ഷന്‍ ലഭിക്കുന്നതല്ല. ഇതിനായി അക്ഷയ കേന്ദ്രത്തില്‍ യാതൊരു ഫീസും നല്‍കേണ്ടതില്ല. അക്ഷയക്കാവശ്യമായ തുക സര്‍ക്കാര്‍ നല്‍കുന്നതാണ്. അക്ഷയ കേന്ദ്രത്തില്‍ പോകാന്‍ കഴിയാത്ത കിടപ്പു രോഗികള്‍ ആ വിവരം പഞ്ചായത്ത് സെക്രട്ടറിയെ അറിയിക്കേണ്ടതാണ്. അങ്ങനെയുള്ളവരുടെ വീട്ടില്‍ വന്ന് മസ്റ്ററിംഗ് നടത്തുന്നതാണ്.
കല്ല്യാശ്ശേരി ഗ്രാമപഞ്ചായത്തിലെ വിവിധ വാര്‍ഡുകളിലെ ഗ്രാമസഭകള്‍ ഒക്ടോബര്‍ 29 മുതല്‍ നവംബര്‍ 6 വരെ വിവിധ വാര്‍ഡുകളില്‍ വച്ച് നടന്നു.
കല്ല്യാശ്ശേരി ഗ്രാമപഞ്ചായത്തിന്റെ കേരളോത്സവത്തോടനുബന്ധിച്ച കായിക മത്സരങ്ങള്‍ നവംബര്‍ 3 ന് കല്ല്യാശ്ശേരി സ്കൂള്‍ ഗ്രൌണ്ടില്‍ വച്ചു നടന്നു. പരിപാടി പഞ്ചായത്ത് പ്രസിഡണ്ട് ശ്രീമതി. ഇ.പി ഓമന അവര്‍കള്‍ ഉദ്ഘാടനം ചെയ്തു. സബ് കമ്മിററി കണ്‍വീനര്‍ ശ്രീ. രാജന്‍, വൈസ് പ്രസിഡണ്ട് ശ്രീ. ലക്ഷ്മണന്‍, പഞ്ചായത്ത് സെക്രട്ടറി ശ്രീ.പ്രകാശന്‍ എന്നവര്‍ സംസാരിച്ചു.
കല്ല്യാശ്ശേരി ഗ്രാമപഞ്ചായത്തില്‍ കേരളോത്സവം 2019 അതിവിപുലമായി നവംബര്‍ 3 മുതല്‍ 10 വരെ തീയ്യതികളില്‍ നടത്താന്‍ തീരുമാനിച്ചു. നവംബര്‍ 3 ന് കായിക മത്സരങ്ങള്‍ കല്ല്യാശ്ശേരി സ്കൂള്‍ ഗ്രൌണ്ടില്‍ വച്ചും നവംബര്‍ 10 ന് കലാമത്സരങ്ങള്‍ പഞ്ചായത്ത് ജൂബിലി ഹാളില്‍ വച്ചും നടത്താന്‍ തീരുമാനിച്ചു. പാര്‍ട്ടിസിപ്പന്‍റ് രജിസ്ട്രേഷനു വേണ്ടി ഇവിടെ ക്ലിക്ക് ചെയ്യുക. ഓണ്‍ലൈന്‍ ചെയ്യാന്‍ ബുധിമുട്ടുള്ളവര്‍ പഞ്ചായത്ത് ഓഫീസില്‍ നേരിട്ടു വന്ന് രജിസ്റ്റര്‍ ചെയ്യാവുന്നതാണ്.
2019-20 വാര്‍ഷിക പദ്ധതിയിലുള്‍പ്പെടുത്തി താഴെ പറയും പ്രാകാരമുള്ള ഗുണഭോക്താക്കളെ അംഗീകരിച്ചു
1. വാഴഗ്രാമം
2. ഗാര്‍ഹീക റിംഗ് കമ്പോസ്റ്റ് (ജനറല്‍)
3. കറവപ്പശുക്കള്‍ക്ക് കാലിത്തീറ്റ
4. വയോജനങ്ങൾക്ക് കട്ടിൽ sc
5. പച്ചക്കറിച്ചെടി,വിത്ത്
6. ഗ്രൂപ്പ് പച്ചക്കറി
7. മാതൃകാ കൃഷി പ്രദർശനത്തോട്ടം
8. മത്സ്യത്തൊഴിലാളികളുടെ മക്കൾക്ക് ലാപ്പ്ടോപ്പ്
9. വീടിൻറെ മേൽക്കൂരമാറ്റൽ
10. വയോജനങ്ങൾക്ക് കട്ടിൽ ജനറൽ
11. ഭിന്നശേഷിക്കാർക്ക് ഉപകരണം
12. മാനസികശാരീരിക വൈകല്യമുള്ളവർക്ക് സ്കോളർഷിപ്പ്
13. മുച്ചക്രവാഹനം ബ്ളോക്ക് പഞ്ചായത്ത്
14. വൃക്കരോഗികൾക്ക് തുടർചികിത്സാസഹായം
15. പ്രത്യേക കന്നുകുട്ടി പരിപാലനം
16. ധാതുലവണ മിശ്രിതം
17. പാലിന് സബ്സിഡി
18. വിദ്യാർത്ഥികൾക്ക് മേശ ,കസേര sc
19. പഠനമുറി sc
20. വിദ്യാർത്ഥികൾക്ക് ലാപ്ടോപ്പ് sc
21. വിദ്യാർത്ഥികൾക്കുള്ള ധനസഹായം S C
22. കുടിവെള്ള കണക്ഷൻ S C
23. പട്ടികജാതി യുവാക്കൾക്ക് പി എസ് സി പരീക്ഷ പരിശീലനം
24. പെൺകുട്ടികൾക്ക് വിവാഹധനസഹായം
25. തെങ്ങിനു ജൈവവളം
26. വയോജനങ്ങള്‍ക്ക് കട്ടില്‍ 2018-19 വാര്ഷി ക പദ്ധതിയില്‍ ബാക്കിയുള്ള ഗുണഭോക്താക്കള്‍
27. മേല്‍ക്കൂര മാറ്റി സ്ഥാപിക്കല്‍ (ജനറല്‍) -2018-19 വാര്ഷി ക പദ്ധതിയില്‍ ബാക്കിയുള്ള ഗുണഭോക്താക്കള്‍