കൃഷി വകുപ്പിന്‍റെ ആത്മ പദ്ധതിയുടെ ഭാഗമായി തൃശൂര്‍ ജില്ലക്കനുവദിച്ച ഏക ജൈവമാര്‍ക്കറ്റ് 2014 ഓഗസ്റ്റ് 24 ന് ചേര്‍പ്പ് ബ്ലോക്ക് പഞ്ചായത്തില്‍ പ്രവര്‍ത്തനം ആരംഭിച്ചു. ചേര്‍പ്പ് അസി.ഡയറക്ടര്‍ ഓഫ് അഗ്രികള്‍ച്ചറിന്‍റെ കീഴിലുള്ള 7 പഞ്ചായത്ത് പ്രദേശങ്ങളില്‍ ജൈവക്കൃഷിയിലൂടെ മാത്രം ഉത്പാദിപ്പിക്കുന്ന കാര്‍ഷിക ഉത്പന്നങ്ങള്‍ വിറ്റഴിക്കുന്നതിുള്ള മാര്‍ക്കറ്റാണിത്. രാസവളങ്ങള്‍, മാരക കീടനാശിനികള്‍ എന്നിവ ഒഴിവാക്കി പച്ചക്കറികള്‍ ഉത്പാദിപ്പിക്കുന്നതിലൂടെ രോഗവിമുക്തമായ ഒരു തലമുറയെ വാര്‍ത്തെടുക്കുന്നതിനും കൃഷിസ്ഥലങ്ങളില്‍ നിന്നും നേരിട്ട് ഇടനിലക്കാരനില്ലാതെ ഉത്പന്നങ്ങള്‍ വിറ്റഴിക്കുന്നതിനും ഇതുവഴി മെച്ചപ്പെട്ട വര്‍ദ്ധിത ആദായം കര്‍ഷകര്‍ക്ക് ലഭ്യമാക്കുന്നതിനും ജൈവമാര്‍ക്കറ്റിലൂടെ ലക്ഷ്യം വക്കുന്നു. കേരള സംസ്ഥാന ആഭ്യന്തര മന്ത്രി. ബഹു.ശ്രീ.രമേശ് ചെന്നിത്തല ഉദ്ഘാടനം നിര്‍വ്വഹിച്ച് ഓഗസ്റ്റ് 24 ന് പ്രവര്‍ത്തനം ആരംഭിച്ച ജൈവമാര്‍ക്കറ്റ് നല്ലരീതിയില്‍ പ്രവര്‍ത്തിച്ച് വരുന്നു.
