കുടിവെള്ള വിതരണം ചെയ്യുന്നതിനായി ക്വട്ടേഷന്‍ ക്ഷണിച്ചുകൊള്ളുന്നു.
A3-92/17
ക്വട്ടേഷന്‍
മാവേലിക്കരയിലുള്ള വാട്ടര്‍ അതോറിറ്റിയുടെ പ്ലാന്‍റില്‍ നിന്നും വെള്ളം ശേഖരിച്ചു ജി.പി.എസ് ഘടിപ്പിച്ച ടാങ്കറില്‍ ബുധനൂര്‍ ഗ്രാമപഞ്ചായത്തിലെ വിവിധ വാര്‍ഡുകളില്‍ (5 ലോഡ് വെള്ളം ഒരു ദിവസം) സപ്ലെ ചെയ്യുന്നതിന് കിലോമീറ്ററിന് ചിലവാകുന്ന ഏറ്റവും കുറഞ്ഞ തുക രേഖപ്പെടുത്തിയ മല്‍സര സ്വഭാവമുള്ള ക്വട്ടേഷന്‍ ക്ഷണിക്കുന്നു.ആയത് നോട്ടീസ് പ്രസിദ്ധീകരണ തീയ്യതി മുതല്‍ -10- ദിവസത്തിനുള്ളില്‍ പഞ്ചായത്ത് ഓഫീസില്‍ സമര്‍പ്പിക്കേണ്ടതാണ്.
05/04/2018
എണ്ണയ്ക്കാട്
ഇലക്ട്രീഷ്യനെ ആവശ്യമുണ്ട്
ബുധനൂര്‍ ഗ്രാമപഞ്ചായത്തിലെ 14 വാര്‍ഡുകളിലെ തെരുവ് വിളക്ക് അറ്റകുറ്റപ്പണികള്‍ നടത്തുന്നതിനായി കെ.എസ്.ഇ.ബി അംഗീകരിച്ചിട്ടുള്ള യോഗ്യതയും, നിയമാനുസൃതമുള്ള ഇലക്ട്രിക്കല്‍ കോണ്‍ട്രാക്ടേഴ്സ് ലൈസന്‍സുമുള്ള അംഗീകൃത ഇലക്ട്രീഷ്യന്‍മാരില്‍ നിന്നും അപേക്ഷ ക്ഷണിക്കുന്നു.
ഒരു വര്‍ഷ കാലയളവിലേക്ക് കരാര്‍ അടിസ്ഥാനത്തില്‍ ദിവസവേതനാടിസ്ഥാനത്തിലാണ് നിയമനം. പ്രസ്തുത ദിവസം 15നും 25നും ഇടക്കുള്ള എണ്ണം പോസ്റ്റുകളുടെ അറ്റകുറ്റപ്പണി നടത്തേണ്ടതും ടി ദവസം 700/- രൂപ വേതനമായി ലഭിക്കുന്നതുമാണ്. അപേക്ഷയും അനുബന്ധ രേഖകളും സ്വീകരിക്കുന്ന അവസാന തീയതി 05/03/2018 പകല്‍ 03.00 മണി വരെ.
കൂടുതല്‍ വിവരങ്ങള്‍ക്ക് പ്രവര്‍ത്തി സമയങ്ങളില്‍ ഓഫീസുമായി ബന്ധപ്പെടുക. ഫോണ്‍ : 0479 - 2466383
ഇലക്ടീഷ്യനെ ആവശ്യമുണ്ട്
മാലിന്യത്തില്‍ നിന്നും സ്വാതന്ത്ര്യം
ഉറവിട മാലിന്യ സംസ്ക്കരണം സംബന്ധിച്ച് ബുധനൂര്‍ ഗ്രാമ പഞ്ചായത്ത് പരിധിയിലുള്ള വ്യാപാര-വ്യവസായസ്ഥാപനങ്ങള്‍ക്ക് നല്‍കുന്ന അറിയിപ്പ്
1994 ലെ കേരള പഞ്ചായത്ത് രാജ് ആക്ട് 219 എ മുതല്‍ എക്സ് വരെയും 1994 ലെ കേരള പഞ്ചായത്ത് രാജ് ഡി.ആന്‍റ്.ഒ ലൈസന്‍സ് ചട്ടങ്ങള്‍ 232,233,234,254, 255 എന്നീ വകുപ്പുകള്‍ പ്രകാരവും കേന്ദ്ര സര്‍ക്കാരിന്‍റെ സോളിഡ് വേസ്റ്റ് മാനേജ്മെന്‍റ് റൂള്‍സ് 2016 , പ്ലാസ്റ്റിക് വേസ്റ്റ് മാനേജ്മെന്‍റ് റൂള്‍സ് 2016 എന്നിവ പ്രകാരവും ഉറവിട മാലിന്യ സംസ്ക്കരണം സംബന്ധിച്ച് വ്യാപാര-വ്യവസായ സ്ഥാപനങ്ങളില്‍ ഫലപ്രദമായ സംവിധാനം ഏര്‍പ്പെടുത്തിയിട്ടുണ്ടെന്ന് ഉറപ്പ് വരുത്തേണ്ടത് പഞ്ചായത്തിന്‍റെ ഉത്തരവാദിത്വമാണ്. ആയതിനാല്‍ 50 മൈക്രോണില്‍ താഴെയുള്ള പ്ലാസ്റ്റിക് ക്യാരിബാഗുകളുടെ ഉപയോഗം നിര്‍ബന്ധമായും ഒഴിവാക്കേണ്ടതാണ്.
കേരള സര്‍ക്കാരിന്‍റെ 22/07/2017 ലെ സ.ഉ.(സാധാ)2511/2017/തസ്വഭവ നമ്പര്‍ ഉത്തരവ് പ്രകാരം ഉറവിട മാലിന്യ സംസ്ക്കരണം സംബന്ധിച്ച് ഫലപ്രദമായ നടപടികള്‍ സ്വീകരിക്കണമെന്ന് സര്‍ക്കാര്‍ നിര്‍ദ്ദേശം നല്‍കിയിട്ടുണ്ട്. സംസ്ഥാനത്ത് വിവിധയിനം പകര്‍ച്ച വ്യാധികള്‍ പിടിപെട്ടിട്ടുള്ളതിന്‍റെ പ്രധാന കാരണം സംസ്ക്കരിക്കപ്പെടാത്ത ജൈവ-അജൈവ മാലിന്യങ്ങള്‍ അലക്ഷ്യമായി വലിച്ചെറിയപ്പെട്ട് തെരുവുകളിലും നിരത്തുകളിലും പൊതു സ്ഥലങ്ങളിലും കുന്നുകൂടുകിടന്ന് അഴുകുന്ന സാഹചര്യമാണെന്നും ആയത് മൂലം തെരുവ് നായ്ക്കളുടെ എണ്ണം വര്‍ദ്ധിക്കുന്നതിന് ഇടയാക്കുന്നുവെന്നും സര്‍ക്കാരിന് ബോദ്ധ്യപ്പെട്ടിട്ടുള്ളതിനാല്‍ ഉറവിടമാലിന്യ സംസ്ക്കരണമുള്‍പ്പെടെയുള്ള ഫലപ്രദമായ മാലിന്യ പരിപാലന സംവിധാനങ്ങള്‍ ഏര്‍പ്പെടുത്താത്ത വ്യാപാര- വ്യവസായ സ്ഥാപനങ്ങള്‍ക്ക് മേല്‍ കര്‍ശന നടപടികള്‍ സ്വീകരിക്കണമെന്ന് സര്‍ക്കാര്‍ നിര്‍ദ്ദേശിച്ചിരിക്കുന്നതിന്‍റെ അടിസ്ഥാനത്തില്‍ ബുധനൂര്‍ ഗ്രാമപഞ്ചായത്ത് പരിധിയില്‍ ഉള്‍പ്പെടുന്ന വ്യാപാര-വ്യവസായ സ്ഥാപനങ്ങള്‍ക്ക് താഴെ സൂചിപ്പിക്കും പ്രകാരം കര്‍ശന നിര്‍ദ്ദേശം നല്‍കുന്നു.
1. പഞ്ചായത്ത് പരിധിയില്‍ പ്രവര്‍ത്തിക്കുന്ന ഹോട്ടലുകള്‍, ക്ലബ്ബുകള്‍, കല്യാണ മണ്ഡപങ്ങള്‍, കമ്മ്യൂണിറ്റി ഹാളുകള്‍, വിവാഹ ഹാളുകള്‍, ഭക്ഷണ ശാലകള്‍, റീടെയില്‍ കേന്ദ്രങ്ങള്‍, ഷോപ്പിംഗ് കോംപ്ലക്സുകള്‍, ഭക്ഷ്യ വസ്തുക്കള്‍ വില്‍ക്കുന്ന സിനിമാ തീയേറ്ററുകള്‍, വസ്ത്ര ശാലകള്‍, പാര്‍ട്ടികളുമായി ബന്ധപ്പെട്ട് ഭക്ഷണം വിളമ്പുന്ന സ്ഥലങ്ങള്‍, കാറ്ററിംഗ് യൂണിറ്റുകള്‍, പച്ചക്കറി, പഴവിപണന കേന്ദ്രങ്ങള്‍, മത്സ്യം മാംസം വില്‍ക്കുന്ന കടകള്‍, വിവിധ കാന്‍റീനുകള്‍, ചായക്കടകള്‍, തട്ടുകടകള്‍, സൂപ്പര്‍ മാര്‍ക്കറ്റുകള്‍, വഴിയോരക്കടകള്‍, റിസോര്‍ട്ടുകള്‍, കോട്ടേജുകള്‍, ഹോംസ്റ്റേകള്‍, ക്വാര്‍ട്ടേഴ്സുകള്‍, സര്‍വീസ്ഡ് വില്ലകള്‍, മറ്റ് കച്ചവട സ്ഥാപനങ്ങള്‍ എന്നിവിടങ്ങളിലെല്ലാം മാലിന്യങ്ങള്‍ ജൈവ-അജൈവ മാലിന്യങ്ങളായി തരം തിരിക്കേണ്ടതും ജൈവ മാലിന്യങ്ങള്‍ ഉറവിടത്തില്‍ തന്നെ ഫലപ്രദമായി സംസ്ക്കരിക്കുന്നതിന് ബയോബിന്‍, എയ്റോബിക് ബിന്‍ ബയോ ഗ്യാസ് പോലുള്ള അനുയോജ്യമായ സംവിധാനങ്ങള്‍ ഏര്‍പ്പെടുത്തേണ്ടതാണ്. വ്യാപാര-വ്യവസായ സ്ഥാപനങ്ങളില്‍ നിന്നും ഉല്പാദിപ്പിക്കപ്പെടുന്ന മലിന ജലം സംസ്ക്കരിക്കുന്നതിന് ഫലപ്രദമായ സംവിധാനങ്ങള്‍ ഒരുക്കേണ്ടതാണ്.
2. മേല്‍ സൂചിപ്പിച്ച ഇടങ്ങളില്‍ രൂപം കൊള്ളുന്ന അജൈവ മാലിന്യങ്ങള്‍ പ്രത്യേകമായി ശേഖരിച്ച് വൃത്തിയായി സൂക്ഷിക്കേണ്ടതും ആയത് നിശ്ചിത ഫീസ് ഒടുക്കി പഞ്ചായത്ത് നേരിട്ടോ/പഞ്ചായത്ത് ചുമതലപ്പെടുത്തുന്ന അംഗീകൃത ഏജന്‍സിക്കോ കൈമാറേണ്ടതുമാണ്.
3. മേല്‍ നിര്‍ദ്ദേശിച്ച പ്രകാരം ഉറവിട മാലിന്യ സംസ്ക്കരണ സംവിധാനങ്ങള്‍ 2017 സെപ്റ്റംബര്‍ 15 നകം സജ്ജീകരിച്ച് പ്രവര്‍ത്തനക്ഷമമാക്കാത്ത സ്ഥാപനങ്ങളുടെ ഡി.ആന്‍റ്.ഒ ലൈസന്‍സ് 1994 ലെ കേരള പഞ്ചായത്ത് രാജ് ആക്ട് പ്രകാരം മറ്റൊരു അറിയിപ്പു കൂടാതെ റദ്ദാക്കുന്നതുമായിരിക്കും.
4. പുതുതായി ഡി.ആന്‍റ്.ഒ ലൈസന്‍സിനപേക്ഷിക്കുന്ന കച്ചവട സ്ഥാപനങ്ങള്‍ക്കും മേല്‍പ്പറഞ്ഞ രീതിയിലുള്ള മാലിന്യ സംസ്ക്കരണ സംവിധാനങ്ങള്‍ സജ്ജീകരിച്ചെങ്കില്‍ മാത്രമേ ലൈസന്‍സ് അനുവദിക്കുകയുള്ളു.
5. പഞ്ചായത്ത് പരിധിയില്‍ പ്രവര്‍ത്തിക്കുന്ന ചിക്കന്‍ സ്റ്റാളുകള്‍ അറവുശാലകള്‍ എന്നിവിടങ്ങളില്‍ നിന്നുള്ള ജൈവ-അജൈവ മാലിന്യങ്ങള്‍ പൊതു നിരത്തുകളിലോ ജലാശയങ്ങളിലോ പൊതു സ്ഥലങ്ങളിലോ നിക്ഷേപിക്കുന്ന കച്ചവട സ്ഥാപനത്തിനെതിരെ കര്‍ശനമായ നടപടികള്‍ സ്വീകരിക്കുന്നാണ്.
6. പഞ്ചായത്ത് പരിധിയ്ക്കുള്ളിലെ തട്ടുകടകള്‍, വഴിയോരകച്ചവടം തുടങ്ങിയവ നടത്തുന്ന കച്ചവടക്കാര്‍ ഫലപ്രദമായ മാലിന്യ സംസ്ക്കരണ സംവിധാനങ്ങള്‍ സജ്ജീകരിച്ച് മാത്രമേ സ്ഥാപനങ്ങള്‍ പ്രവര്‍ത്തിപ്പിക്കാവു.ആയതിന് നിയമ വിരുദ്ധമായി പ്രവര്‍ത്തിക്കുന്നവര്‍ക്കെതിരെ ശക്തമായ നടപടികള്‍ സ്വീകരിക്കുന്നതായിരിക്കും
മേല്‍ സൂചിപ്പിച്ചിട്ടുള്ള നിര്‍ദ്ദേശങ്ങള്‍ എല്ലാ വ്യാപാര-വ്യവസായ സ്ഥാപനങ്ങളും പാലിക്കേണ്ടതും അടിയന്തിരമായി നടപ്പാക്കേണ്ടതുമാണെന്ന് ബുധനൂര്‍ ഗ്രാമപഞ്ചായതത് സെക്രട്ടറി അറിയിച്ചു.
ലൈഫ് - ഗുണഭോക്താക്കളുടെ കരട് ലിസ്റ്റ്
നമ്പര്‍.എ3-5222/17 തീയതി: 29/07/2017
വിജ്ഞാപനം
സംസ്ഥാനത്തെ എല്ലാ ഭവന രഹിതര്‍ക്കും സുരക്ഷിതവും മാന്യവുമായ പാര്‍പ്പിട സൗകര്യം ഒരുക്കുന്നിനായുള്ള സംസ്ഥാന സര്‍ക്കാറിന്‍റെ സമ്പൂര്‍ണ്ണ പാര്‍പ്പിട പദ്ധതിയായ ലൈഫ് മിഷന്‍ ഗുണഭോക്താക്കളെ കണ്ടെത്തുന്നതിനുള്ള സര്‍വ്വേ പ്രകാരമുള്ള ഭൂമിയുള്ള ഭവന രഹിതരുടെയും ഭൂരഹിത ഭവന രഹിതരുടെയും കരട് ഗുണഭോക്തൃ പട്ടിക ഇതോടൊപ്പം പ്രസിദ്ധീകരിക്കുന്നു.
ഗുണഭോക്താവിനെ സംബന്ധിച്ചുള്ള ആക്ഷേപങ്ങള്‍ നിശ്ചിത മാതൃകയിലുള്ള അപേക്ഷാ ഫോറത്തില്‍ 2017 ആഗസ്റ്റ് മാസം 10-ാം തിയതി വരെ ഗ്രാമപഞ്ചാത്ത് ഓഫീസില്‍ സമര്‍പ്പിക്കാവുന്നതാണ്.
ബന്ധപ്പെട്ട കുടുംബത്തിന്‍റെ കുടുംബ നാഥന്‍ / നാഥയ്ക്കും, പ്രായപൂര്‍ത്തിയായ കുടുംബാംഗങ്ങള്‍ക്കും സന്നദ്ധ സംഘടനകള്‍ക്കും സേവന സന്നദ്ധരായ വ്യക്തികള്‍ക്കും (1) അര്‍ഹതയുണ്ടായിട്ടും ലിസ്റ്റില്‍ ഉള്‍പ്പെടാത്ത കുടുംബങ്ങളെ ഉള്‍പ്പെടുത്തുന്നതിനോ (2) അനര്‍ഹരായ കുടുംബങ്ങളെ ലിസ്റ്റില്‍ നിന്നും നീക്കം ചെയ്യുന്നതിനോ (3) അര്‍ഹതയുള്ള ഗുണഭോക്താക്കളുടെ വിവരങ്ങളിന്‍മേല്‍ തെറ്റ് തിരുത്തുന്നതിനോ അപ്പീല്‍ അപേക്ഷ സമര്‍പ്പിക്കാവുന്നതാണ്.
ഇപ്രകാരം അപ്പീല്‍ സമര്‍പ്പിക്കുമ്പോള്‍ അപ്പീല്‍ സംബന്ധിച്ച അര്‍ഹത തെളിയിക്കേണ്ടത് അപ്പീല്‍ നല്‍കുന്നവരുടെ ഉത്തരവാദിത്ത്വമായിരിക്കുന്നതാണ്. അപ്പീല്‍ അപേക്ഷകളിന്‍മേല്‍ തീരുമാനം കൈക്കൊണ്ട് ആഗസ്റ്റ് 20-ാം തിയതി ഗുണഭോക്താക്കളുടെ പട്ടിക പുന പ്രസിദ്ധീകരിക്കുന്നതുമാണ്
*സ്വന്തമായി ഭൂമിയും ഭവനവും ഇല്ലാത്തവരില്‍ നിന്നു തിരഞ്ഞെടുത്ത ഗുണഭോക്താക്കളുടെ സാധ്യതാ പട്ടിക
*സ്വന്തമായി ഭൂമിയുള്ള ഭവനരഹിതര്‍ നിന്നും തിരഞ്ഞെടുത്ത ഗുണഭോക്താക്കളുടെ സാധ്യതാ പട്ടിക
————————————————————————————————————————————————————————————————————————————————————————–
നോട്ടീസ്
സംസ്ഥാന സര്‍ക്കാര്‍ നടപ്പാക്കുന്ന ലൈഫ് സമ്പൂര്‍ണ്ണ പാര്‍പ്പിട പദ്ധതിയുമായി ബന്ധപ്പെട്ട് അര്‍ഹരായ ഭവന രഹിതരുടെയും, ഭൂരഹിത ഭവന രഹിതരുടെയും ഗുണഭോക്തൃ ലിസ്റ്റ് പ്രസിദ്ധീകരിച്ചിട്ടുണ്ട്. ആയതിന് മേല്‍ ആക്ഷേപങ്ങള്‍ 2017 ആഗസ്റ്റ് 10-ാം തിയതിവരെ പൊതുജനങ്ങള്‍ക്കോ സന്നദ്ധ സംഘടനകള്‍ക്കോ സമര്‍പ്പിക്കാവുന്നതാണ്. ഗുണഭോക്താവായി തെരഞ്ഞെടുക്ക്പെടുന്നതിനുള്ള അര്‍ഹതാ മാനദണ്ഢം താഴെപ്പറയും പ്രകാരമാണ്.
ഭൂരഹിത ഭവന രഹിതര്‍ (വസ്തുവും വീടും ഇല്ലാത്തവര്‍)
1. സ്വന്തമായോ / കുടുംബാംഗങ്ങളുടെ പേരിലോ വസ്തു ഇല്ലാത്തവര്‍
2. പരമ്പരാഗതമായി കുടുംബ സ്വത്ത് കൈമാറികിട്ടാന്‍ സാധ്യത ഇല്ലാത്തവര്‍
3. സ്വത്ത് ഭാഗം വെച്ച ശേഷം ഭൂരഹിതരായവര്‍ ആകാന്‍ പാടില്ല
4. റേഷന്‍ കാര്‍ഡ് ഉള്ള കുടുംബം ( ഒരു റേഷന്‍ കാര്‍ഡില്‍ ഉള്‍പ്പെട്ടവര്‍ ഒരു കുടുംബമായാണ് പരിഗണിക്കപ്പെടുക)
5. കുടുംബ വരുമാനം 3 ലക്ഷത്തില്‍ താഴെയുള്ളവര്‍
6. സര്‍ക്കാര്‍ / അര്‍ദ്ധ സര്‍ക്കാര്‍ / പൊതുമേഖലാ സ്ഥാപനങ്ങളിലെ ജീവനക്കാര്‍ / പെന്‍ഷന്‍ വാങ്ങുന്നവര്‍ ആകാന്‍ പാടില്ല.
7. സ്വകാര്യ ആവശ്യത്തിന് നാലു ചക്ര വാഹനം ഉണ്ടാകാന്‍ പാടില്ല.
ഭവന രഹിതര്‍ ( വസ്തുവുള്ളതും വീടില്ലാത്തവരും)
1. സ്വന്തമായോ കുടുബാംഗങ്ങളുടെ പേരിലോ ഭവനം ഇല്ലാത്തവര്‍
2. പരമ്പരാഗതമായി ഭവനം കൈമാറികിട്ടാന്‍ സാധ്യത ഇല്ലാത്തവര്‍
3. റേഷന്‍ കാര്‍ഡ് ഉള്ള കുടുംബം ( ഒരു റേഷന്‍ കാര്‍ഡില്‍ ഉള്‍പ്പെട്ടവര്‍ ഒരു കുടുംബമായാണ് പരിഗണിക്കപ്പെടുക)
4. സ്വന്തമായി വസ്തു ഉള്ളവര്‍ (നഗരങ്ങളില്‍ 5 സെന്‍റിനു താഴെയും ഗ്രാമങ്ങളില്‍ 25 സെന്‍റിനു താഴെയും ഭൂമിയുള്ളവര്‍ മാത്രം) പട്ടികവര്‍ഗ്ഗക്കാര്‍ക്ക് ബാധകമല്ല.
5. കുടുംബവരുമാനം 3 ലക്ഷത്തില്‍ താഴെയുള്ളവര്‍
6. സര്‍ക്കാര്‍ / അര്‍ദ്ധ സര്‍ക്കാര്‍ / പൊതുമേഖലാ സ്ഥാപനങ്ങളിലെ ജീവനക്കാര്‍ / പെന്‍ഷന്‍ വാങ്ങുന്നവര്‍ ആകാന്‍ പാടില്ല.
7. സ്വകാര്യ ആവശ്യത്തിന് നാലു ചക്ര വാഹനം ഉണ്ടാകാന്‍ പാടില്ല.
അപ്പീല്‍ അപേക്ഷ സംബന്ധിച്ച അര്‍ഹത തെളിയിക്കേണ്ടത് അപ്പീല്‍ നല്‍കുന്നവരുടെ ഉത്തരവാദിത്ത്വമായിരിക്കുന്നതാണ്.
ക്വട്ടേഷന്‍ ക്ഷണിക്കുന്നു
ക്വട്ടേഷന്‍
ആറിന്‍റെ നവീകരണം സംബന്ധിച്ച് 45 മിനിട്ട് ദൈര്‍ഘ്യമുള്ള ഹ്രസ്വചലച്ചിത്രം ചിത്രീകരിച്ച് ഡോക്യുമെന്‍ററി തയ്യാറാക്കുന്നതിനായി മുന്‍പരിചയമുള്ള സാങ്കേതിക വിദഗ്ദ്ധരില്‍ നിന്നും ക്വട്ടേഷന്‍ ക്ഷണിക്കുന്നു.
വിഷയം - 12 കി.മി ദൂരമുള്ള കുട്ടമ്പേരൂര്‍ ആറ് നവീകരണം
ഉപയോഗിക്കേണ്ട സാങ്കേതിക വിദ്യ - ഹെലിക്യാം, എച്ച്.ഡി ക്യാമറ എന്നിവ ഉപയോഗിച്ചുള്ള ചിത്രീകരണം.
High End Digital Studio Editing, Sound Dubbing, Remusic ഇവയുടെ ആകെ അടങ്കല്‍ തുക ക്വാട്ട് ചെയ്യേണ്ടതാണ്. ക്വട്ടേഷന്‍ സമര്‍പ്പിക്കേണ്ട അവസാന തീയതി 09/08/2017, സ്ഥലം പഞ്ചായത്ത് ഓഫീസ്.