ആദിച്ചനല്ലൂര്‍ ഗ്രാമപഞ്ചായത്ത് (Adichanalloor Grama Panchayat)

ലേല വിവരങ്ങള്‍

Girija K — Wed, 29 Feb 2012 09:23:50 +0000

സി1-7798/11(1) പഞ്ചായത്ത് ഡെപ്യൂട്ടി ഡയറക്ടറുടെ കാര്യാലയം കൊല്ലം, തീയതി:- 24-2-2012.
വിഷയം : കൊല്ലം ജില്ല- ഗ്രാമപഞ്ചായത്തുകളില്‍ നടക്കുന്ന ലേലവിവരങ്ങള്‍ പ്രസിദ്ധീകരിക്കുന്നത് സംബന്ധിച്ച്
സൂചന : 22/7/2011-ലെ 30270/എഫ്.എം.3/07/എല്‍.എസ്.ജി.ഡി നമ്പര്‍ സര്‍ക്കാര്‍ സര്‍ക്കുലര്‍
സൂചന സര്‍ക്കുലറിലെ നിര്‍ദ്ദേശപ്രകാരം, ഗ്രാമപഞ്ചായത്തില്‍ 31/3/2012-വരെ നടക്കുന്ന വിവധ ഇനങ്ങളിലെ ലേല ഇനങ്ങള്‍ സംബന്ധിച്ച വിവരങ്ങള്‍

1.കൊട്ടിയം പബ്ളിക് മാര്‍ക്കറ്റില് നിന്നും ഗേറ്റ്ഫീസ് പിരിക്കുന്നതിനും, പബ്ളിക് കംഫര്‍ട്ട് സ്റേഷന്‍ ഉപയോഗിക്കുന്നതിനുള്ള അവകാശം
2. ആദിച്ചനല്ലൂര്‍ പബ്ളിക് മാര്‍ക്കറ്റില് നിന്നും ഗേറ്റ്ഫീസ് പിരിക്കുന്നതിനുള്ള അവകാശം
3. കൊട്ടിയം പബ്ളിക് മാര്‍ക്കറ്റില് മാട്ടിറച്ചി വ്യപാരം നടത്തുന്നതിനുള്ള അവകാശം
4. കൊട്ടിയം പബ്ളിക് മാര്‍ക്കറ്റില് ആട്ടിറച്ചി വ്യപാരം നടത്തുന്നതിനുള്ള അവകാശം
5. ആദിച്ചനല്ലൂര്‍ പബ്ളിക് മാര്‍ക്കറ്റില് മാട്ടിറച്ചി വ്യപാരം നടത്തുന്നതിനുള്ള അവകാശം
6. പഞ്ചായത്ത് ആഫീസ് കോമ്പൌണ്ടില് ഉള്ള തെങ്ങുകളില് നിന്നും മേലാദായം എടുക്കുന്നതിനുള്ള അവകാശം
7. പഞ്ചായത്ത് ഗവ.യു.പി.എസ്സ് കോമ്പൌണ്ടിലുള്ള തെങ്ങുകളില് നിന്നുള്ള മേലാദായം എടുക്കുന്നതിനുള്ള അവകാശം
8. ആദിച്ചനല്ലൂര്‍ ലക്ഷംവീട് കോളനിയില് പൊതുസ്ഥലത്ത് നില്ക്കുന്ന തെങ്ങില് നിന്നും മേലാദായം എടുക്കുന്നതിനുള്ള അവകാശം
10. മൈലക്കാട് പി.എച്ച്. സെന്റര്‍ കോമ്പൌണ്ടിലുള്ള ഫലവൃക്ഷങ്ങളുടെ മേലാദായം എടുക്കുന്നതിനുള്ള അവകാശം
11. പരസ്യ നികുതി പിരിക്കുന്നതിനുള്ള അവകാശം
12. കൊട്ടിയം വെണ്‍മണിച്ചിറയിലെ പൊതുസ്ഥലത്തുള്ള വൃക്ഷങ്ങളുടെ മേലാദായം
13. ആദിച്ചനല്ലൂര്‍ ഹോമിയോ ആശുപത്രി കോമ്പൌ-ിലെ വൃക്ഷങ്ങളുടെ മേലാദായം
14. ആദിച്ചനല്ലൂര്‍ പബ്ളിക് മാര്‍ക്കറ്റില് ഒരു മുറിക്കട.

ജനപ്രതിനിധികള്‍

Girija K — Fri, 17 Dec 2010 06:39:27 +0000

പുതിയ ഭരണസമിതി അധികാരത്തില്‍

തെരഞ്ഞെടുപ്പ് 2010

Girija K — Wed, 22 Sep 2010 07:09:46 +0000

സംസ്ഥാനത്തെ തദ്ദേശസ്ഥാപനങ്ങളിലേക്കുള്ള തെരഞ്ഞെടുപ്പ് ഒക്ടോബര്‍ 23നും 25നും നടത്തുന്നതിന് തീരുമാനിച്ചു. തിരുവനന്തപുരം, കൊല്ലം, പത്തനംതിട്ട, കോഴിക്കോട്, വയനാട്, കണ്ണൂര്‍ , കാസര്‍ഗോഡ് എന്നീ ജില്ലകളില്‍ ഒക്ടോബര്‍ 23-ന് ശനിയാഴ്ചയും ഇടുക്കി, കോട്ടയം, ആലപ്പുഴ, എറണാകുളം, തൃശ്ശൂര്‍ , പാലക്കാട്, മലപ്പുറം ജില്ലകളില്‍ ഒക്ടോബര്‍ 25-ന് തിങ്കളാഴ്ചയുമാണ് വോട്ടെടുപ്പ്. വോട്ടെണ്ണലും ഫലപ്രഖ്യാപനവും ഒക്ടോബര്‍ 27-നായിരിക്കും. കേരളപ്പിറവി ദിനമായ നവംബര്‍ ഒന്നിന് പുതിയ ഭരണസമിതി അധികാരമേല്‍ക്കുന്ന തരത്തിലാണ് തെരഞ്ഞെടുപ്പ് ആസൂത്രണം ചെയ്തിരിക്കുന്നത്. സെപ്തംബര്‍ 27-ന് തെരഞ്ഞെടുപ്പ് വിജ്ഞാപനം പുറപ്പെടുവിക്കും. അന്നുമുതല്‍ തന്നെ നാമനിര്‍ദ്ദേശപത്രിക സമര്‍പ്പിക്കാമെന്ന് സംസ്ഥാന തെരഞ്ഞെടുപ്പു കമ്മീഷണര്‍ അറിയിക്കുന്നു. ഒക്ടോബര്‍ നാലുവരെ പത്രിക സ്വീകരിക്കുക, ഒക്ടോബര്‍ അഞ്ചിന് സൂക്ഷ്മപരിശോധന, പത്രിക പിന്‍വലിക്കാനുള്ള അവസാന ദിവസം ഒക്ടോബര്‍ ഏഴ് എന്നിങ്ങനെയാണ് ഓരോ ഘട്ടവും ക്രമപ്പെടുത്തിയിരിക്കുന്നത്. തെരഞ്ഞെടുപ്പ് പ്രഖ്യാപിച്ച സമയം മുതല്‍ മാതൃകാ പെരുമാറ്റച്ചട്ടം നിലവില്‍ വന്നതായും അദ്ദേഹം അറിയിച്ചു.

എല്ലാ പഞ്ചായത്തിലും തൊഴില്‍ ബാങ്ക്

lsgd — Tue, 06 Oct 2009 04:03:56 +0000

ദേശീയ ഗ്രാമീണ തൊഴിലുറപ്പു പദ്ധതി സജീവമാക്കാന്‍ സംസ്ഥാനത്തെ എല്ലാ പഞ്ചായത്തിലും തൊഴില്‍ ബാങ്കുകള്‍ രൂപീകരിക്കുന്നു. രാജ്യത്ത് ആദ്യമായി ആരംഭിക്കുന്ന ഈ സംരംഭം യഥാര്‍ത്ഥ്യമാകുകയാണ്. കാര്‍ഷിക ജോലികള്‍ക്കും തൊഴിലുറപ്പു പദ്ധതിക്കും തൊഴിലാളികളെ കൃത്യമായി ബാങ്ക് നല്‍കും. അയല്‍ക്കൂട്ടംതല തൊഴില്‍ ടീമുകളും വാര്‍ഡുതല തൊഴില്‍ സമിതികളും ഈ സംവിധാനത്തിലുണ്ടാകും. വൈദഗ്ധ്യം ആവശ്യമുള്ളതും ഇല്ലാത്തതുമായ തൊഴിലുകളുടെ കണക്കെടുത്ത് തരം തിരിക്കുക, തൊഴില്‍ വൈദഗ്ധ്യമുള്ളവരുടെ പട്ടിക തയ്യാറാക്കി ഉപയോഗപ്പെടുത്തുക, തൊഴില്‍ ടീമുകള്‍ക്ക് പരിശീലനം നല്‍കുക, തൊഴിലുപകരണങ്ങള്‍ വാങ്ങുക, തൊഴിലാളികള്‍ക്ക് സമ്പാദ്യ സംവിധാനം, തൊഴിലാളികളുടെ കുട്ടികളുടെ വിദ്യാഭ്യാസ കാര്യങ്ങളിലെ ശ്രദ്ധ തുടങ്ങിയവ ബാങ്കിന്റെ ചുമതലയാണ്. തൊഴിലാളികള്‍ക്ക് ചികിത്സാ സഹായം, ഇന്‍ഷുറന്‍സ് പരിരക്ഷ എന്നിവയും ബാങ്ക് ഏര്‍പ്പെടുത്തും. വിത്തും വളവും ശേഖരിച്ച് കര്‍ഷകര്‍ക്ക് നല്‍കുക, ചെലവു കുറഞ്ഞ നിര്‍മ്മാണ രീതികളില്‍ പരിശീലനം നല്‍കുക, ലേബര്‍ ടീമുകള്‍ക്ക് യൂണിഫോമും ബാഡ്ജും നല്‍കുക തുടങ്ങിയവയും ബാങ്ക് ഏറ്റെടുക്കും. സമീപ വാസികളായ 10 മുതല്‍ 20 വരെ തൊഴിലാളികള്‍ ചേരുന്നതാണ് തൊഴില്‍ ടീം. വാര്‍ഡു തലത്തിലാണ് തൊഴില്‍ സമിതി രൂപീകരിക്കുക. വാര്‍ഡുതല തൊഴില്‍ സമിതികളുടെ ഉപരി സംവിധാനമാണ് തൊഴില്‍ ബാങ്ക്. തൊഴിലുറപ്പിനു പുറമെയുള്ള പണികള്‍ക്കും തൊഴിലാളികളെ ബാങ്ക് നല്‍കും.